提早单身(Featuring FAMA)
作曲: Jason Rome/Tiffany Cobb/Traci Colleen Hale
填词: 农夫 编曲: 舒文 监制: 舒文
如果1,2,3爱情就系咁简单
分手嗰晚 我就唔会系咁喊
如果4,5,6个年头都仲继续
咁我间屋 就唔会咁孤独
如果7,8,9年后都仲未分手
我地已经有 仔女一窦
如果 我地有如果十个如果
唔想再错 错过你嚟过
宁愿痛快说句终于要走
沉默胜过你搬出一堆借口
无谓客套放胆松开我手
然后各有各拣新的对手
(无谓再对我假装开不了口)
喂 系我呀 我谂我地两个
拍咗拖多多少少都有几年
真系值得纪念 日日见足几面 都唔系几厌
但系点解呢个时候 点解你要分手
系咪因为(我想要自由)
定系因为(我都唔想要天长地久)
定抑或因为
(其实两个人喺埋一齐唔系要D咩结果,最紧要系你同我都曾经爱过)
与其担心不如提早单身
喂 又系我呀 我谂我地两个
其实仲未大透 其实仲未玩够 我依家明白你感受
其实你同我 除咗你同我 都仲想拖吓其它人只手
除咗你同我 都仲想试吓同其它人拍拖
而家明白你感受 其实你同我 都仲未玩够
无谓到最后 唔知点样开口
你已爱过 我也爱过 有无对错 无谓分析太多
你我两个 试过经过 独自静坐 然后清楚
系星座 定系你同我 都唔清楚
我 睇得对方太过清楚 由初初握手至到拖手最后分手
由陌生变到了解太过了解所以陌生 爱得太深 太担心
与其第日伤心不如大家提早单身
寻日系情人今日系旧情人 寻日系男女朋友
但系我今日仲可唔可以当你系朋友